ગુરુજી કૃપાના સાગર

॥ ૐ ॥

---

ગુરુજી કૃપાના સાગર, આનંદ બીજે ન જડશે,

વંદન તમને કરતાં, ત્રિવિધ તાપ ટળશે. – ટેક

હૃદય તણા જ ભાવો, ગુરુ આપને જ ચાહે,

ક્યારે મળું ગુરુજી, તે ઈચ્છા છે ઉર માંહે – ગુરુજી

પાંખો જો હોત મારે, ઊડીને  પડત હું પગમાં,

નેત્રે ગુરુ નિહાળી , ઉમંગે હસત હું જગમાં – ગુરુજી

ગુરુ દર્શન તણો જ પ્યાસી ખરો હું બન્યો,

ગુરુ તમ સમા ન કોઈ, મળતાં, તેથી જ ભટક્યો. – ગુરુજી

હું છું મૂર્ખ, ખૂબ પાપી ,ગુરુજી છતાં કૃપાથી,

આપી પ્રકાશ હૃદયે, મુજને બચાવ્યો ભ્રમથી – ગુરુજી

ગુરુ આપની જ વાણી, સુણવાની ઈચ્છા થઈ છે,

જલદી મળો ગુરુજી, અંતર તો વૈદના છે. – ગુરુજી

ગુરુ વિના ફરું દીવાનો, જંગલમહીં જ ભમતો,

સન્મુખ જઈને મળવું એ ચિંતા હૃદયે ધરતો. – ગુરુજી

ગુરુ પૂર્ણ બ્રહ્મ આપ જ, જલદી સેવકને મળજો,

પહોંચું હું આપ પાસે, તેવી કૃપા જ કરોજો. – ગુરુજી

॥ ૐ ॥

જેનાથી મારું તથા જગતના અનેકનું કલ્યાણ થતું

હોય, તે ઉત્તમ કાર્ય કરવાની અમને અખૂટ શક્તિ

આપો અને તે કાર્ય કરીને ઈશ્વરને જ અર્પણ કરું,

ઈન્દ્રિયોનો નિગ્રહ અને અહંકારનો ત્યાગ કરીને જ

કાર્યો કરવાની સદ્‌બુધ્ધિ આપો.

---

॥ ૐ ॥

ગુરુજી કૃપાના સાગર, આનંદ બીજે ન જડશે

પાન નં:- 156, ગુરુજી કૃપાના સાગર ,
🙏🏼💐જય સદગુરુ 🙏🏼💐