દેખી દેખી મેં ખોટા જગની

દેખી દેખી મેં ખોટા જગની, બતાવ​વાની પ્રીત

દેખી દેખી મેં ખોટા જગની, બતાવ​વાની પ્રીત…. ટેક

આનંદ ભુલી પ્રભુને ભજવા, વિવેક આઘો જાય;

મમતાના મારગમાં જાતાં અનેક દુ:ખો થાય. ….દેખી

સત્યતણો અધ્યાસ બતાવે, લલચાવે દઈ સુખ;

જીવન ચડ્યું રઁગ પતંગ એ સુખ નહિ પણ છે દુ:ખ…દેખી

તિરસ્કાર કરીને જુએ, તનને ત્તૃષ્ણા થાય;

ઞેર પીવું તે વિષય વિકારી, શાંતિ તેથી ન થાય.

ગુણનો બદ્લો ભૂલી જઈને, અવગુણ ભરવો ભાર;

ભૂલ કરે છે ડગલે પગલે, છતાં છૂટ્વા નહિ તૈયાર. …

કુકર્મો કરવા કાર્યો સાધે, રાખે અવળી રીત;

આ જમાનો એવો આવ્યો, તોયે તેની જીત. ….દેખી

રત્નસમો દેહ અમૂલ્ય ગણીને, કરી લે ઉતમ કર્મ;

માનવ મટીને દેવ બનવું, એ છે મોટો ધર્મ. ….દેખી

વિધા મેળવી દુ:ખો હરવાં, કરવાં નહિ એ કામ;

સુખ બીજાનું હરવા માટે, રહે છે ભીડી હામ. ….દેખી

પશુતા છોડી સદગુણ ધરવા, સાવધાન રહેજે ભાઈ;

સમજ ગુરુની રાખી હૃદયમાં ભૂલીશ મા તું ભાઈ. …. દેખી

પ્રભુ પ્રેમની અવિચળ ભક્તિ, માગવા લે ઝોળી;

સઘળું પ્રભુને અર્પણ કરી દે, મટ્શે તો હોળી. ….દેખી

દીપક પ્રભુનો પ્રગટ ગણીને, ચાલજે સમજી ચાલ;

સહુ ભક્તો કહે ગુરુક્રુપાથી, રાખજે સાચો ખ્યાલ. ….દેખી