॥ ૐ ॥
(રાસ)
પૂર્ણની વાતો છે અટપટી એવી કે
પૂર્ણતા સાચી સમજાય ના …. ૧
બુદ્ધિ છે કુશળ ભાગલાઓ પાડે કે
વિચારોથી કાંઈ દેખાય ના …. ર
બુદ્ધિની વાતો છે ગૂંચવણ ભરેલી કે
શબ્દો વિશેષ, ભેગા કરાય ના …. ૩
શાસ્ત્રોની વાતોમાં પંડિત અટવાણા કે
બુદ્ધિથી સત્ય સમજાય ના …. ૪
વિચારો વધતા, વાસના ભુલાવે કે
ગર્વનાં રૂપો કળાય ના …. પ
બુદ્ધિ બબ્બે વાતોની જોડ જાણે કે
બુદ્ધિથી તોડ કઢાય ના …. ૬
ચેતન સ્વરૂપ અસ્તિત્વમાં સદાય કે
ભટકી ભ્રમમાં મરાય ના …. ૭
સમજી રહેવું અસ્તિત્વમાં સદાય કે
કલ્પના શૂન્યની સાનમાં …. ૮
પૂર્ણતા ખાલી થવામાં ભરેલી કે
ગુપ્ત જ્ઞાન ખજાનો સાથમાં …. ૯
॥ ૐ ॥
પૂર્ણતા સાચી સમજાય ના …. ૧