॥ ૐ ॥
(પ્રાણ પ્રભુના ભાવથી ભાવિત કરીને જ પ્રભુમાં મળી શકાય છે. પ્રાણ એ પરમાત્માએ આપેલી ઉત્તમ કળા છે. પ્રાણ હંમેશા પરમાત્મા જ સમર્પણ કરીને જાગૃત રહેવું તે જ સાચી જાગૃતિ છે.)
(રાગ : કલ્યાણ, જૈજૈવંતી ગરીબી)
પ્રભુની શક્તિ વિશુદ્ધ પ્રાણમાં, અખંડ આનંદ પ્રેમ ભરે,
જીડતા અનાદિ નાશ કરીને, ચૈતન્ય દિવ્યતા પ્રગટ કરે …. ૧
પૃથ્વી આકાશથી વિશાળ હૃદયના, વિશાળ વિશેષ વિસ્તાર ઘણો,
કેવળ કૃપાથી હિત જ કરતા, ઉપકાર એના અનંત ગણો …. ર
સ્વાર્થ ત્યાગી અભય બનાવે, ભયના તાપોથી મુક્ત કરે,
વિજય સ્વરૂપ અચળ શ્રદ્ધા, અડગ રહેતાં વિશુદ્ધ કરે …. ૩
કહેવું અમારી ટે છે એવી, કહેતાં પહેલા જાણો તમે,
ઉકેલ કરવો સરળ આપને, આપને પ્રિય માનીએ અમે…. ૪
આપને ભૂલી પ્રભુજી અમે, યુગો અનંત ભ્રમણ કર્યું,
ભમીને અમે થાકી ગયા, આપને પલકનું કામ ઠર્યું …. પ
આંખની પલક તણા ઈશારે, સરળ આપને કામ બધું,
પ્રભુજી અવાજ આપ કરીને, બોલાવો પ્રકાશે સત્ય સીધું …. ૬
તારા બંધનમાં મજબૂત બાંધી, તારાથી ક્ષણ રેઢો ન રહું,
તમારી આજ્ઞાનું પાલન કરવા, ઉમંગ ધારીને તમને કહું …. ૭
પ્રેરણા પ્રભુજી આપની સમજી, આપનું ધાર્યું સદાય કરું,
આપનો વહાલો બનીને રહેવા આપની મસ્તીમાં મસ્ત ફરું …. ૮
॥ ૐ ॥