॥ ૐ ॥
(ધૂન)
બોલાવે અમને, ગુરુજીની અમર વાણી,
જગાડે સૌને, હૃદયમાં હરખ આણી
(સાખી)
ગુરુજીની શક્તિ વિના, પ્રાણ બળ અમર ન હોય,
ભીંતર ખજાનો ગુરુ વિના, ખુલ્લો મૂકે ન કોય ….
અખંડ અનાદિ ગુરુ, એના વેદ ન જાણે ભેદ,
ગ્રંથિનું ભેદન કરે, એવા ગુરુથી મટતો ખેદ ….
સત્ય સમજ ગુરુ તણી, બીજે મળે ન કયાંય,
ભીતર ઊતર્યા ભેદી બધા, ગુરુ ગમ સાથે સહાય ….
પ્રેમથી પ્રભુ ભજન વિના, જ્યોતિ પ્રગટ ન થાય,
વિશ્વાસ એક પ્રભુ તણો, દૃષ્ટિ દિવ્ય જણાય ….
પૂર્ણતા ભરેલા છે પ્રભુ, રંગ પાકો રહે સદાય,
શાંતિનું સ્થાપન ખરું, પ્રભુ વિના કદી ન ભળાય ….
વાસના મલિન ટળી જશે, ભેદ ભૂલ મોહ ન કયાંય,
ભક્તો સૌ ધ્યાનમાં રહે, ભૂલી બીજે ન જાય ….
આધાર પ્રભુનો ગર્વ નહિ, લક્ષ વૃત્તિ સંધાન,
આનંદ ઊભરો મળવા તણો, પ્રાણ વેગ નિશાન ….
સ્થિર વૃત્તિના બળ સમું, બીજું બળ ન હોય,
મૌન ભાષામાં આત્મા, જ્ઞાન વાણીનો શબ્દ ન હોય ….
॥ ૐ ॥
🕉️🪴પાન નં :- 1૯8 , બોલાવે અમને ,ગુરુજીની અમર વાણી,🌴🕉️
🌷🙏🏼જય સદગુરૂ 🙏🏼🌷