॥ ૐ ॥
સાચા પ્રભુ, ગુણ ગાવાની પ્રીત ખરી,
શુધ્ધ પ્રાણ મારા, રાખું છું ભાવ ભરી,
પ્રભુ ખેંચે એની, દિવ્યતા સાન કરી,
મારી ગતિ વધી, મળવા પ્રેમ ભરી …. ૧ સાચા પ્રભુ
ગતિ વધી એમાં, શક્તિ પ્રભુએ ભરી,
જાતાં જાતાં રીત, પ્રભુની આંખ ઠરી,
બુધ્ધિ પ્રાણ ડૂબે, પ્રભુથી જાય તરી,
દૃષ્ટિ પ્રભુ પોતે આપતા, હિત ધરી …. ર સાચા પ્રભુ
પ્રભુ દૃષ્ટિ મળે, ભાવિમાં પ્રેમ સહી,
એના પ્રેમ સમ, ઊજળું કોઈ નહિ,
મારા સાચા એક, પ્રભુ આવે બધું ગુંજે,
પ્રભુ સાથે રહે પ્રગટ, એમાં સઘળું સૂઝે …. ૩ સાચા પ્રભુ
ભાન રાખી ગાન, પ્રભુના ગાવા મારે,
દોડી દોડી આવે પ્રભુજી, મારી વહારે,
પ્રભુ આવે મારું હૃદય, શુધ્ધ રહે,
ગુપ્ત ગેબી પ્રભુ, આગમ વાણી કહે …. ૪ સાચા પ્રભુ
આવે પ્રભુ મારા, ત્રિકાળ જ્ઞાની સાચા,
એના રંગે, રંગે પાકા જ બને સાચા,
પ્રભુ વિના બીજા દૃષ્ટિમાં શોભે નહિ,
મારી વૃત્તિ, પ્રભુ સાથમાં એક રહી …. પ સાચા પ્રભુ
પૂર્ણ જ્યોતિ, પૂર્ણ ફળી, પૂર્ણ કરવા,
એનો પ્રકાશ આપી, અપૂર્ણને જાતી મળવા,
પ્રભુ મૌન બોલે સૌને પ્રભુ બોલાવે,
નીરવ શાંત પ્રભુ, ભાષા સદા દીપાવે …. ૬ સાચા પ્રભુ
॥ ૐ ॥