સૂનો આ કનૈયાની બંસરીમાં પ્રેમ છે

સૂનો આ કનૈયાની, બંસરીમાં પ્રેમ છે

ધ્યાન તેનું, ધરજો સદાય રે

સાંભળશો, કનૈયાની બંસરી…. ટેક્

વૃત્તિ તલિન્ન થશે, બંસરીના નાદમાં

સુઝશે આગમ-નિગમ વાત રે…..સાંભળશો

ન​વ જાવું બદ્રી-કેદારનાથ યાત્રા

દિલ્હી કે ગંગાને નીર રે…સાંભળશો

ભીતર બહાર તમે ક્રૃષ્ણને દેખાશો

જાવા જરુર નથી ક્યાંય રે . સાંભળશો

નથી જન્મ તમારો, જગત રીઝવ​વા

પ્રભુ રીઝવવાનું ,કામ રે… સાંભળશો

સાચો શણગાર, પ્રભુભક્તિમાં પ્રેમ છે

થાશે સાચું કલ્યાણ રે..સાંભળશો

ઉજ્જવળ જીવનથી, દુ:ખ સદા ભાગશે

પાપ ન રહેશે, તલભાર રે. સાંભળશો

સહુ ભક્તો દિવ્ય દષ્ટિ માગે છે શામળા

તારું તને સોપીં દઉં તમામ રે. સાંભળશો