॥ ૐ ॥
હે પ્રભુ! તારા અનંત રૂપ, બુદ્ધિ ને મન બનતાં ચૂપ,
બુદ્ધિ ને મનને તું જ સુધાર, તમને મળવું પ્રેમ પ્રકાર …. ૧
પ્રેમની ભરતી તારું જ નૂર, ભક્તિ અખંડ એક જ સૂર,
પકડો પ્રભુજી અમારો હાથ, કદી ન ભૂલીએ તમારો સાથ …. ર
હૃદય આપ જ વાત કરો, સમજ આપની સીધી ભરો,
અંતરદૃષ્ટિમાં તારો વાસ, ભરી દો તમારી સાચી સુવાસ …. ૩
ભરોસો દૃઢતા પ્રેમ પ્રકાશ, તૃપ્તિ તમારી એમાં વિકાસ,
નિર્બળ ભાવનો કરો વિનાશ, અભય, અચળ પ્રાણ પ્રયાસ ….. ૪
હર્ષ- શોકનો ખોટો આભાસ, આત્મજ્ઞાનનો દૃઢ વિશ્વાસ,
સંતોષ સતત નિશ્ચય બળવાન, શ્વાસને નિર્ભય કરો ભગવાન …. પ
આપમાં રહીએ સદા નિષ્ઠાવાન, જ્ઞાન-ધ્યાન તમારું સૌથી મહાન,
ભણતર આપનું ભણાવો ખાસ, હૃદયમાં આપનો નિર્મળ વાસ …. ૬
આપની કૃપાથી કરી દો પાસ, કદી ન કોઈ કરશે ના પાસ,
આપના અમર ધામમાં અવાય, માર્ગ સીધો તમારી સહાય …. ૭
વિશ્વનો ઉધ્ધાર સરળ જણાય, પાયાનો સુધારો તમારો ગણાય,
કેળવો યુગોથી સાક્ષી સદાય, ગીતામાં પુરાવો તેનો જણાય …. ૮
જગદ્ગુરુ શ્રીકૃષ્ણ મહાન, સર્વજ્ઞ સર્વેશ્વર વીર્ય વાન,
યોગેશ્વર, અનાદિ સર્વે છે શાન, શ્રેષ્ઠ કળાના સર્વ શક્તિમાન …. ૯
॥ ૐ ॥