॥ ૐ ॥
માયા હઠાવો પ્રભુ, શુભ ચોઘડીયું હૃદયમાં પ્રગટ પ્રકાશ …. રે
બોલો અંતર છોડી દઈને, હૃદયમાં આપનું રાજ …. રે …. ૧
આપની હાજરી, અંધારું નહિ,એવો પુર્ણ વિશ્વાસ …. રે
રૂપાંતર કરવું ઉતાવળથી, ભેદ ઉકેલો ખાસ …. રે …. ર
પડદા પાછળ આપ રહો, તો વ્યાકુળ તન-મન થાય …. રે
ભૂલી આપને ભૂલા પડેલા, પ્રભુજી માગે સહાય …. રે …. ૩
ખોટ જણાયે આપ વિનાની,ઓટ તેથી જણાય…. રે
પ્રેમ વધારીને આપ પધારો, અજ્ઞાન સમૂળું જાય …. રે …. ૪
સ્થિરતા, દૃઢતા, નિર્ણય આપનો, આપ કળાથી સિદ્ધ …. રે
ઈચ્છાશક્તિ આપની અદ્ભૂત, આપનું જ્ઞાન ધ્યાન શુદ્ધ …. રે …. પ
ક્રિયા શક્તિ, ઈચ્છાશક્તિ, જ્ઞાનશક્તિ અમાપ …. રે
આપ શરણ વિના અપૂર્ણ ભાસે, આપ પ્રત્યક્ષ સંપૂર્ણ …. રે …. ૬
સંકલ્પ કરો આપ, સિદ્ધ કરો આપ, હૃદયમાં આપ, સ્વરાજ્ય …. રે
પડદો રાખી કામો કરો તો, વિધ્નોનો આવે ન અંત …. રે …. ૭
જડ ગ્રંથિનો ઉકેલ એક જ, આપ કૃપાથી સૂજે …. રે
વિજય સ્વરૂપે આપ બિરાજા, પછી બીજાનું ન કામ …. રે …. ૮
શક્તિ, ભક્તિ, યુક્તિ દેવા, આપ છો સર્વ સમર્થ …. રે
અમૃત દૃષ્ટિમાં આપનું ભરવા, આપ દૃષ્ટિનું કામ …. રે …. ૯
આપને એક આપ જ જાણો, આપ જણાવો તે જાણે …. રે
આપ સમજની સાન ભરો, તો સાચી સમજણ આવે …. રે …. ૧૦
॥ ૐ ॥