॥ ૐ ॥
(રાગ : માલકૌંસ)
રોમ રોમ પ્રભુજી સુખકારી, બાંધ તાર એક તારો જ જાણી …. ટેક
પ્રેમભરી દૃષ્ટિ થી રાખ પરોવી, સ્નેહ વધે તમારો આજ્ઞાકારી ….
અંધારું પ્રભુ આડું ન ધરજો, પ્રકાશ આપો ખોટ ન તમને ….
ભૂલી ગોથાં અમારે ન ખાવાં, યાદી રાખી સ્મૃતિ ભરજો ….
મોહ-બુદ્ધિને કદી ન થાયે, ભાન આપનું નવ ભૂલીએ ….
દૃઢતા સિંચન આપ કરીને, હૃદય મેળવી સદાય મળીએ ….
આપે આપેલી બક્ષિસ આપની, રક્ષા આપ જ તેની કરો ….
આપ રખોપું સફળ કરવા, શક્તિ આપની શીઘ્ર ભરો ….
પ્રાણની પ્રિયતા એક જ ઝંખે, પ્રત્યક્ષ આપને નિહાળી હરખે ….
પૂર્ણ સમજને દૂર ન કરતા, આપની કૃતિઓ આપને નીરખે ….
સાર્થક જીવન કળા છે તમારી, સિદ્ધ કરવા પ્રેરક સંભારી ….
ઉકેલ કરાવો વિજય તૈયારી, સર્વથી બળી છે શક્તિ તમારી ….
॥ ૐ ॥