॥ ૐ ॥
(ભજન) ૧૧
પ્રેમનો પ્યાલો પીધો રે મીરાંએ પ્રેમથી …. હો…. જી
પાનાર ગિરધર ગોપાળ, બધી જ રાખીને સંભાળ,
હિતકર સદાના કૃપાળુ, વ્યાપક સહુથી વિશાળ,
મસ્તી રહે આઠે પોર, સ્થિરતા સાથમાં …. હો…. જી ૧
ગિરધર ગોપાળ આધાર, બીજા ભરવા નથી વિચાર,
ગિરધર ગોપાળનો પ્રતાપ, સર્વે સારનો એ સાર,
જીવન અમૂલ્ય અમૃત, પ્રભુના પ્યારમાં …. હો…. જી ર
બીજા સંબંધ ખોટા ગણાય, પ્રેમનો સંબંધ ઊંચો જણાય,
પ્રભુનાં દર્શન પ્રેમીને થાય, પ્રભુનો તાર જ શ્રેષ્ઠ ગણાય,
આવતા તીવ્ર ગતિથી, સન્મુખ સહાયમાં …. હો…. જી ૩
પુરાણો પ્રેમ ઉદય થાય, પ્રાણમાં એનો પ્રાણ ભરાય,
એના ભાવિ ઊજળા ગણાય, પ્રેમની ભરતી રહેતી સદાય,
પ્રભુ આવી તૃપ્તિ દેતાં, સત્ય શાંતિમાં …. હો…. જી ૪
મીરાંને ગર્વ નથી લેશ, ગિરધર ગોપાળ સૌથી વિશેષ,
રક્ષક મીરાંને નથ કલેશ, ધ્યાનમાં મીરાં રહેતાં હંમેશ,
ગિરધર ગોપાળને ક્ષણ નથી ભૂલતા …. હો…. જી પ
મીરાંની અખંડ ભક્તિ સંધાન, પ્રાણનું પ્રભુ જ નિદાન,
અમર વાણીનું મીરાંને જ્ઞાન, ગિરધર ગોપાળ એક નિશાન,
આવે સંદેશા મીરાંને પ્રભુ પ્રેમના …. હો…. જી ૬
॥ ૐ ॥