॥ ૐ ॥
(પ્રિયતમ રાસ)
(ભજન) ૧ર
રસનાનું રટણ ગિરધર ગોપાળ છે,
મીરાંની જીભનો સાચો એ સ્વાદ છે,
બોલમાં બંધાણો ગિરધર ગોપાળ છે,
દોડી દોડી આવતા હૃદયમાં વાસ છે. …. રસનાનું ૧
મીરાંના બોલનો તોલ જાણનાર છે,
તોલની કિંમતમાં બધું જ દેનાર છે,
અમૂલ્ય ભાવમાં પોતે જ તોળાય છે,
ત્રણે લોક માપનાર પ્રેમમાં બંધાય છે. …. રસનાનું ર
વાણીના શબ્દોમાં ચેતનના ખાસ છે,
ચૈતન્ય દોરનાર મીરાંની પાસ છે,
પાસે રહી મીરાંને પોતે રંગનાર છે,
પાકાર રંગે રંગી, મીરાંને ભક્તિનો રંગ છે. …. રસનાનું ૩
ભક્તિનો રંગ એની શક્તિનો સંગ છે,
સંગનું આકર્ષણ એમાં અનુભવનો રસ છે,
રસને પીવા યોગી ઋષિમુનિ ચહાય છે.
ચાહના ઘણી, રસથી અળગા થઈ થાય છે. …. રસનાનું ૪
ધન્ય મીરાં જીવનરસ પ્રભુ પોતે પાય છે,
મુગ્ધ મસ્ત મીરાં પછી ભજન એનાં ગાય છે,
સુરતા સુભાગી મીરાંની બીજે ન જાય છે,
દૃષ્ટિમાં ગિરધર ગોપાળ દેખાય છે …. રસનાનું પ
દિવ્ય રૂપાંતર રસમાં ડૂબી જયા છે,
ડૂબે એને નાદ ગિરધર ગોપાળ સંભળાય છે,
નાદ સૂણી ઘાયલ રસમાં પાગલ થાય છે,
એવા પાગલનો પ્રાણ પ્રભુમાં સમાય છે …. રસનાનું ૬
પ્રભુમાં સમાય એની ઊર્ધ્વ ગતિ થાય છે,
ચેતી જાય એની ગતિ કદી ન કળાય છે,
અકળ ગતિના પ્રાણ પ્રભુના થઈ જાય છે,
પ્રભુને સમર્પણ મીરાંનું તમામ છે …. રસનાનું ૭
સર્વસ્વ અર્પનાર મીરાંનો વિશ્રામ છે,
સાચો વિશ્રામ એનું ઊચું જ સ્થાન છે,
ઊંચા એ સ્થાનમાં ત્રિકાળ જ્ઞાન છે,
જ્ઞાનના પ્રકાશનો ઘટોઘટ વાસ છે …. રસનાનું ૮
રસનાનું રટણ ગિરધર ગોપાળ છે,
॥ ૐ ॥